Rev 20 | GbrGAW | STEP | Nnavun magye malaika woi kashi n eshe n mabudi obwo tnacei nyai shi n na agma yakwoyi shi n wo akun.

Revelation of John 20

A La Shetan Pa

1 Nnavun magye malaika woi kashi n eshe n mabudi obwo tnacei nyai shi n na agma yakwoyi shi n wo akun. 2 Wa wan Dragon, owa kwo-kwoi, oza nukwoyi, Shetan, wa pawo n na agma yi har eye tagyi ngun awo, (1,000). 3 Wa shewo ya dna n obwo tnacei wa gu wa makuli dna, n na bai n wota dna abye kwocen sai aye tagyi ngun awo n la duya. Nnavun ai lowoya esafyewyi. 4 Nnavun magye esushinkpegye n na azai sase kpe n ɓai n na la izini ga ɓa ɓa dawa, ma gye a wye-wyeyi aza nya n na ɓei kmiɓa tukwo ya ntu nɓa seida Yesu nya ɓo, ntu n Shekwoyi ɓeda waʼazi zhin ɓo, n na azai n ɓato ga Nyawye-wyeyi mwa-mwa n owo nya zhin-zhin yin, to ɓa gwo owo zetu nɓa nyikunmi ko abwan. Ɓai ku wye-wyeyi jebwa ɓai gyi ebe ngnisun n Kristi yi har aye tagyi ngun awo (1,000).

5 Kalaku n efi kmisunyi nu nyi, (azafi nɓa ce nyi ɓa to kukala kpan sai aye tagyi ngun awo n la duya). 6 Anabarkada nu n agyi-gyi yi aza nɓa bwa lo-lo dna n kalaku kmisunyi. Gama Efi Bayi to n ikoyi lo n ɓa tukwon gama ɓaɓa zhin a prist Shekwoyi anya n Kristi yi ɓai gyi ebe n woi har aye tagyi ngun awo.

7 Shi aye tagyi ngun awo ɓei la duya ai lo shetan ya n wo kurkuku. 8 Wo; gmilo wo dna abye kwoce n na anyi wa yeɓa zhi gnisun, Gog n Magog yi, ɓa sun okun, aza begye, to ai shin ban, ngye amwi n ɓa kpe n ela gbe. 9 Ɓa ɓei gunlo ɓa duyalo bmana yakwo anyi nya ɓai she Shekwoyi aza gun, n ezhi ye-yei Urushelima nya, ama ena ɓei gmi n Shekwoyi aba kwoi gyi akunsunyi vinya kwoi wuɓa.

10 Nnavun, Shetan nwa dnaɓa kwoce nyi ai shewo yadna n ena zundna n kwo gyi n sulfa yi nyi, aba n Nyawan-nyawan n Anabi katayi fi nyi, ai wu ɓa anyi n nyipyeyi n sukwoyi nyalo-nyalo.

11 Magye esu-shinkpegye bui-bui, n zayi nwo sase tu n kwo, Anyi n eshe bmana yi ɓa busi n wo awyeba, ama to ɓa bwa abwi ban. 12 Ma gye azafi, adnagmayi n aɓiyi n gni a gni zhi n Shekwoyi abye, a gu a Littafi ya, n littafi wye-wyeyi nyai ɓe. A da azafi owa n nya yi nkwo kafi n na a Littafi yi mi, zaho-zahoi shiwa zhin n wu. 13 Anuwan-yakwo ɓa ga oɓa aza n ɓa ɓo wan, ekni n kwo azai n kwo gyi, A da zaho-zahoi owa shi wa zhin n wu. 14 Ashe efi n Hades yi ya dna n Anapi deye kwonu zhin Efi Bayi–Anapi Ena zundna. 15 Oza n na to gye owo eye kadna n litafi wye-wyeyi nyan a shewo ya dna n anapi–Ena zun–dna.